===============
पगार वाढ होऊद्या भरघोस त्यांची , आमची काहीच हरकत नाही ,
का वाढताहेत आमच्या आत्महत्या दिवसेंदिवस ? या कडे जरा डोळे उघडून पाही ...!!!
टनात काटा मारलेल्या आमच्या ऊसाची साखर , तिकडे ग्रॅमात तोलली जाते ...
मेजवान्या झडतात यांच्या , आमच्या हाती मात्र पिठलं-भाकर येते ...!!!
दर दसर्याला यांच्या दारी , कोरी गाडी ऊभी राहते ,
आमची दिवाळी मात्र ,
दुभती गाय बाजारात घालवुनच होते ...!!!
पोरं शिकतात तुमची देऊन खोका आणि पेट्या ,
आमच्या सात-बार्यावर असतो ,
भुविकास बँकेचा सोट्या ...!!!
जय जवान जय किसान बोलुन , पोटं यांची भरतात , प्रत्यक्षात जवान किसान, दारिद्र्यातच मरतात ...!!!
उदो उदो थांबवून यांचा आता , व्यवहारी हो बळीराजा , पुढच्या पिढ्यांना नाहीतर मिळेल , याची मोठी सजा ...!!!
-
रविन्द्र किसनराव झांबरे
होळकरवाडी ,पुणे
No comments:
Post a Comment